بعض المشاركات من احتفال المجموعات

كنيسة الايمان بمنهرى

مشاركات من بعض افراد المجموعات فى الاحتفال الثانى للمجموعات الصغيرة فى الكنيسة.

1_ام كيرلس/
من خلال المجموعات فرق معاها التعامل مع الآخرين وجو الشركه والمحبة الاخوية فى المجموعة.

2_ام يوسف/
فرق معاها المحبه والاهتمام ببعض والجو الروحى فى المجموعات.

3_تريزه نصحى /
جو الاسره و المشاركه مع افراد المجموعه
ملحوظة: قامت تريزا هى ومجموعة من أفراد مجموعتها بعمل اسكتش صفير وصلت فيه كيف استفادوا من المجموعة والمنهج (روحياً _نفسياً_اجتماعياً _وجسدياً)

4_ام بيتر ثروت/
اتعلمت ازاى اصلى والتفاعل مع حضور الله وايضاً من درس الغضب واتعلمت اتحكم فى غضبى واحتوائه ومعالجته

5_ام يوسف حنا/
انا كنت زمان لما بخاصم حد، اقعد بالسنين مكلموش لكن درس الغفران عمل فى حياتى نقطة تحول اتعلمت من درس النميمه تجنب المباحثات الرديئه.

6_ام مينا رمضان/
انا كان لى زمان خدمه فى كنيسة ما ( غير كنيسة الأيمان ) ولظروف خارجه عن ارادتى قعدت فى البيت وانتظرت ان ان حد من الكنيسة يسال على ولم اجد احد واخذتنى دوامة الحياة. الى ان اخت دعتنى لكنيسة الايمان وحضر الكنيسة وتقابلت مع الرب ثم انضمت لمجموعة وعايز اقول انى لقيت نفسى فى المجوعة والكنيسة ولقيت الراعى واخواتى بيحتضنونى وتاكدت ان ده بيتى وخدمتى وها كملها هنا.

7_ام مينا كفايه /
اتعلمت المحبه من خلال افراد المجموعه المحبه الى بيقدموها لبعض وشعرت بجو الاسرة الواحدة.

8_ام كيرلس نادى/
انا كان عندى صغر نفس وكنت شخصيه انطوائيه واشكر ربنا ان من خلال المجموعه ربنا غير فى هذا الشى وابتدت اطلع زيارات وادعى الناس للمجموعه. ودلقتى كمان بقدر اشارك جو المجموعة بحرية وبدون خجل.

9_فكرى جمال/
اتعلمت من خلال المجموعه واخواتى الى معايا فى المجموعه اتعامل معاهم من خلال المنهج اتعامل مع الاخرين ازاى (نفسياً _روحياً_جسدياً اجتماعياً)

10_ماجده نسيم /
اتعلمت المحبه وازى اتشارك مع اخواتى فى المجموعه

11_ورده رضا/
كنت قبل المجموعه كنت حزينه دايماً وعندى اكتئاب لكن من خلال المجموعه تغير اسلوب حياتى وفرق معايا المنهج بالكامل

12_منى حبيب/
كنت قبل المجموعه تعبانه نفسياً جداً والمجموعة غيرت فى كتير والرب فتح عنيه على المواهب الى فيه وعلى قيمتى فى المسيح وانى غاليه جداً على قلب الرب

13_ايمان نصحى/
كنت بروح الكنيسه ومفيش تغيير لكن من خلال المجموعه تغيرت حيلتى بالكامل من خلال الدروس واتغيرت حياتى فى الاربع جوانب (نفسياً _روحياً_اجتماعياً وجمدياً)

14_ماريان خيرى/
استفدت فى امور كتيره منها :عرفت ازاى اقابل رباً ولتعرف عليه واتعلمت اغفر للى بيسيئوا ليه

15ـــمينا فاروق /
فرقت معايا المجموعات بانى حثيت بقيمتى كان حضورى فى الكنيسة عادى ورتين لكن المجموعة حسستنى انى مهم فى وسطيهم وانى لى دور.

صلوا لاجلنا الرب يكمل معانا عمله
راعى الكنيسة
القس / هانى كرم