عـــــــــارف قلبى وافكـاره ... وكاشف عمقـــــى واســراره
وضعفــــى ما يخفى عليك ... وتوهــــان العمـــــر واسفــاره
وقبل ما تــــوصل رجلـــــى ... او ينطـــــق فمـــى باعـــذاره
تقـــابلنى وتضـــم كيـــانـى ... ولسانـــى يكتب اشعــــــاره
ق
واتهنـى بالحضـــن المجيــد ... حضنــــك انت يــا اب غالـــى
واتشال انا علـى احلى ايـد ... مرفـــوع لمكانــة ابن غالـــى
واتلـــــــذذ انا بالمـــــواعيـد ... لغمر ومجـــد يكــون ترحالــى
انا ابن حــــر لاعظــم سيـد ... نعمـة فاقت وصفى وخيالــى
قابـــــل وضعــى وجهـالاتى ... وبتشكل فــى انــاء حياتــى
ابدا ما فشلت فى تكــوينى ... او سبتنى لحظه لضلالاتــى
تعــــود وتحــط علـى دولابك ... وبنعمــــة تقــــدس خياراتى
وايديـــــك ان المــت بتـــزيد ... جمـال عمــرى واختبـــاراتى
سامــع دايمـــــا لصلـواتـى ... وقابــــــل اضعــــف كلمـــاتى
ولو ما عرفتش انطق كلمة ... فاهـــــم اهـــــاتى وانــــاتـى
بتشفـــع وتحس احتياجى ... وبتتــــالـم فى كل ضيقـــاتى
وما بتعجـــزش انك تتـدخل ... او تخـــرج للـــرحب حيــــاتى
بقلم دكتور / عجايبى لطفى كامل
الثلاثاء 8 يناير 2013 - 10:34 من طرف 
