اهلا بيك اخى العزيز
نصلى ان يستخدم الرب هذا المنتدى لمجده ولبركة حياتك
نرحب بك عضو فى المنتدى معنا فرجاء التسجيل
اهلا بيك اخى العزيز
نصلى ان يستخدم الرب هذا المنتدى لمجده ولبركة حياتك
نرحب بك عضو فى المنتدى معنا فرجاء التسجيل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


الموضوعات والدراسات الكتابية والروحية التى تقدم بكنيسة الايمان بمنهرى وموضوعات اخرى
 
الرئيسيةالتسجيلأحدث الصوردخول
القس هانى كرم راعى الكنيسة

المواضيع الأخيرة
» دراسة رسالة افسس ـ المقدمة
مسرحية عودة الى زمن الحب. Emptyالثلاثاء 8 يناير 2013 - 10:34 من طرف القس هانى كرم

» شخصية يوشيا
مسرحية عودة الى زمن الحب. Emptyالخميس 22 نوفمبر 2012 - 13:40 من طرف القس هانى كرم

» مسابقة فى سفر صموئيل الثانى
مسرحية عودة الى زمن الحب. Emptyالسبت 20 أكتوبر 2012 - 6:45 من طرف د عجايبى لطفى

» كيف نطور اجتماع الشباب
مسرحية عودة الى زمن الحب. Emptyالخميس 23 أغسطس 2012 - 8:07 من طرف القس هانى كرم

» مسابقة فى سفر صموئيل الاول
مسرحية عودة الى زمن الحب. Emptyالجمعة 17 أغسطس 2012 - 15:35 من طرف القس هانى كرم

» تابع رموز الروح القدس
مسرحية عودة الى زمن الحب. Emptyالأربعاء 15 أغسطس 2012 - 16:22 من طرف القس هانى كرم

» حجمه صغير...أثره رهيب
مسرحية عودة الى زمن الحب. Emptyالأربعاء 8 أغسطس 2012 - 4:02 من طرف القس هانى كرم

» ساعة لقلبك وساعة لربك
مسرحية عودة الى زمن الحب. Emptyالأربعاء 8 أغسطس 2012 - 3:56 من طرف القس هانى كرم

» مسابقة في سفر راعوث
مسرحية عودة الى زمن الحب. Emptyالثلاثاء 7 أغسطس 2012 - 15:56 من طرف القس هانى كرم

» رموز الروح القدس( اولا الزيت )
مسرحية عودة الى زمن الحب. Emptyالثلاثاء 7 أغسطس 2012 - 5:59 من طرف القس هانى كرم

عدد زوار المنتدى

.: عدد زوار المنتدى :.

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني

 

 مسرحية عودة الى زمن الحب.

اذهب الى الأسفل 
كاتب الموضوعرسالة
القس هانى كرم
Admin
القس هانى كرم


عدد المساهمات : 360
تاريخ التسجيل : 11/04/2011
الموقع : المنتدى الرسمى لكنيسة الايمان بمنهرى

مسرحية عودة الى زمن الحب. Empty
مُساهمةموضوع: مسرحية عودة الى زمن الحب.   مسرحية عودة الى زمن الحب. Emptyالسبت 9 يوليو 2011 - 7:55

مسرحية
عودة الى زمن الحب

الشخصيات
1ـ ( عبقرينو ) عالم ومخترع الة الزمن
2ـ (جوسيان ) اخت العالم ومساعدة لة
3ـ (مارفو ) صديق العالم
4ـ (الجد فهيم) جد الاولاد وحكيم الزمان


الفصل الاول
عبقرينو : يعمل فى الماكينة التى امامة ويخرج وهو يقول
ياة انا تعبت قوى بس الاختراع دة هيغير تاريخ البشرية كلها بس انا لازم اجرب هذا الاختراع
جوسيان : تدخل على اخيها وهو ويعمل ويجرى بعض الحسابات على سبورة امامة وتقول لة ( انت بتعمل اية يا عبقرينو انت بقالك كتير قوى بتشتغل ومش بتقعد معانا ولا بتخرج ولاحتى حسيت ان عيد رأ س السنة جة ولازم نحضر للعيد ولازم تساعدنا ولا اية رايك
عبقرينو : عيد عيد اية يا بنتى انتى لازم تعرفى ان اخوكى المخترع هيقدم للبشرية اعظم اختراع للعالم الاختراع الى هيغير معالم التاريخ الانسانى كلة
جوسيان : اختراع اية دة ؟
عبقرينو: الة الزمن !
مارفو :يدخل مارفو ويسمع عبقرينو ويقول لة
الة الزمن ( هة هة هة ) الة الزمن اية ياابنى انت لسة فاكر ان انت مخترع
عبقرينو : مخترع غصب عنك ولو مش مصدقنى تعالى وجرب
مارفو : اجرب اجرب اية (بتردد )
عبقرينو :ومالك خايف كدة اكيد خايف تتنقل لزمن الدينصورات (هة هة )
مارفو : دينصورات اية يا مجنون انت الدينصورات دى انقرضت من زمان
عبقرينو : يبقى انت مفهمتنيش كويس .. انا بقولك انت هترجع لزمن الدينصورات وتعيش معاهم ويكلوك كمان
مارفو : اية دة انت بتتكلم بجد باة
جوسيان : طبعا يا ابنى امال لية دة اخويا العبقرى بس يا عبقرينو انت متاكد انك تعرف ترجع لاى زمن وبعدين ترجع تانى
عبقرينو : اهى دى باة انا مجربتهاش بس دى سهلة المهم احنا هنرجع لاى عصر ؟؟
جوسيان : تبداء بالتفكير ( لاى عصر / لاى عصر ) اة عصر ادم وحواء
مارفو : ادم وحواء يا .. انتى قديمة قوى انت عايزة تشوفى ادم وحواء
جوسيان : اة عايزة اشوف ادم وحواء وازاى كانو بيعيشو وازاى وقعوا فى الخطية
عبقرينو : انتى بتقولى اية انت اكيد بتهزرى ادم وحواء دى مستحيلة
مارفو : مستحيلة لية يا عبقرى
عبقرينو : لان ببساطة انا ظابط الالة على التقويم الميلادى ومن المستحيل ارجعها لعصر ادم وحواء لانى معرفش هما كانو موجدين من امتى والتاريخ الى اتخلقوا فية كمان معرفوش
جوسيان : يا يخسارة انا كان نفسى اعرف قصة ادم وحواء
مارفو : بس كدة انا هاجبلك اللى يحكهالك
جوسيان : مين
مارفو : مفيش غيرة جدو( فهيم ) يا جدو يا جدو
جدو فهيم : ايوة ايوة يا ولاد فية اية مالكم
مارفو : يا جدو احنا كنا عايزينك تحكلنا قصة ادم وحواء لان الة الزمن اللى اخترعها عبقرينو مش هتقدر تودينا العصر دة
جدو فهيم : الة الزمن
عبقرينو ايوة يا جدو انا اخترعت الة الزمن
جدو فهيم : خلاص ياولادى انا هحكيلكم القصة بس بسرعة علشان لو دى الة زمن بصحيح انا نفسى اروح لعصر جميل خالص هقولكم علية بعد القصة
جوسيان : طيب احكلنا بقا يا جدو
جدو فهيم : الحكاية بدات لما انتهى الرب من خلق السما والارض وكل ما فيها من طيور وحيونات وهنا وجد الرب ان هو دة الوقت المناسب لخلق الانسان وخلق ربنا ادم وخلق كمان حواء وهنا جة الشيطان وضحك على حواء واغرها علشان تاكل من الشجرة الى ربنا حظرهم من اكلها
وهنا اكلت حوا وكل معها ادم وسقطوا الاثنين فى الخطية وحسوا انهم عريانين وكلم ربنا ادم وقالو انت لية اكلت من الشجرة اللى حظرتك منها
رد علية ادم وقالو حواء هيا السبب وعلشان كدة كحم ربنا على ادم وحواء وطردهم من الجنة وقالو بعرق جبينك تاكل خبزك وحكم على حواء بالتعب والشقى فى الولادة وكان الحكم الاعظم هو حكم الموت
مارفو : الموت
الجد : ايوة الموت لان حكم الخطية هو الموت ، وكان لازم حد هو اللى يشيل الخطية عن ادم وعننا لان الرب مستحيل يرجع فى كلامة
جوسيان : طيب لية منزلش ملاك علشان يشيل خطية العالم
الجد : مينفعش لان الخطية غير محدودة ولازم اللى يشيل الخطية انسان غير محدود يعنى لا ملاك ولا رئيس ملائكة ولا قديس يقدر يشيل خطية العالم
جوسيان : امال اية اللى حصل
الجد : كان لازم ربنا بنفسة يتجسد فى صورة انسان ويعيش زينا ويتعذب ويتصلب ويموت ويندفن وفى اليوم الثالث يقوم ويغلب الموت ويكسر الشيطان ويبقى بدمة فدانا وبروحة عاش جوانا
فهمتى بقى يا جوسيان القصة اية
جوسيان : معقول معقول فى حب زى دة معقول ربنا يعمل دة كلة علشانى وانا مقدملوش اى حاجة فى عيد ميلادة
عبقرينو: عيد ميلادة خلاص احنا نجيب الهدايا بتعتنا ونروح نقابل المسيح ونستقبلة
مارفو : ازاى يعنى
عبقرينو : انت نسيت الة الزمن ولا اية
جدو : هو دة العصر الى كنت عايز ارحلة
جوسيان : خلاص يا جدو هتيجى معانا
مارفو : طيب هناخد اية معانا
جوسيان : هنبقى نخش السوق ونجيب من هناك
جدو : نجيب اية يا بنتى هدية يسوع هى المحبة هى الاتضاع هى السلام
تعالو لما اوريكم هدايا يسوع كان شكلها اية

ويدخلو داخل ستارة وكانها الة الزمن وتحدث دوامة وينتقلوا الى مكان الاحداث( مزود البقر ) ******

عبقرينو : احنا سنة 1 لميلاد المسيح
مارفو : احنا في اورشليم و اللي قدامنا مكان ميلاد السيد المسيح
جوسيان : معقولة .. بقى رب الاكوان ده كله يتولد في المكان الفقير دة
الجد : أمال احنا ليه بنقول انه حب لا قبله و لا بعده ... يعني هو تنازل ربنا ده لدرجة انه يتولد من بنت فقيرة ...و فى مكان فقير كدة ...ده مش حب .... كونه ياخد جسد زي جسدنا ده مش حب ...
جوسيان عبقرينو مارفو : فى نفس واحد( اعظم حب)

اضاءة المذود :
المكان عبارة عن جدران مغطاة خيش و الارضية قش و مجموعة من الحيوانات محيطة بهم
صوت طفل يبكي
سالومي :مبروك يا ست مريم ... ولد زي الفل هتسميه ايه
العذراء : يسوع زي ماقال الملاك
(يدخل يوسف النجار
سالومي : الف مبروك يا شيخ يوسف ... يتربى في عزك ...امه قالت هتسميه يسوع ... انت ايه رأيك
يوسف : يسوع زي ما قال الملاك
سالومي : خلاص يبقى اسمه يسوع
( تعطي الطفل لأمه ثم تخرج)
يوسف : حمدلله على سلامتك يا مريم ... مبروك ليكي
مريم : مبروك للبشرية كلها
يوسف :يا ربي يسوع ... يا ما كان نفسي تيجي و نستقبلك في قصر ... مش في المكان المتواضع دة
مريم : المكان اللي يجي فيه ربنا ... يبقى أحسن من من القصر يا شيخ يوسف ... ده احنا حوالينا الملايكة فرحانة و بتمجد ربنا من كتر فرحتها
يوسف : بقى انت يا ربي بتحبنا لدرجة انك تاخد جسم زينا و تيجي و تعيش وسطنا
مريم : و يتولد من بنت فقيرة زي و فمكان زي المكان ده ... قد ايه انت حبك كبير لينا يا ربي ...

اضاءة منظر الرعاة
الرعاة مجتمعين حول النار
راعي 1: الجو برد قوي ... ايه البرد ده ...
( واحد فيهم ينظر في ذهول امامه )
راعي 2: انت شايف اللي أنا شايفه ...
راعي 1 : شايف ايه ... هو فيه هنا الا العتمة و الخرفان و الديابة ...
راعي 3: هناك فين ... انت شايف ايه ...
راعي 2 : زي ما يكون فيه نجمة من السما نزلت و بتتمشى على الارض ...
راعي 3 : شكلك كدة كتر القعدة مع الخرفان أثر على دماغك ...
راع1 : الله ... ايه ده بصوا هناك ... ده بجد زي ما تكون نجمة
راعي 3 : لأ دي بتقرب مننا كمان
راعي 2 : يلا بينا نهرب بجلدنا من هنا ...
راعي 1 : و الخرفان ...
راعي 3 : خرفان ايه بس ...
الملاك : استنوا يا جماعة ... خايفين ليه
راعي 1: ( بارتعاب ) انت مين و عاوز ايه
الملاك : أنا ملاك الله و جي أبشركم ان فيه فرح كبير هيكون لكل الشعب ... اتولد النهاردة في مدينة داوود مخلص هو المسيح الرب . هتلاقوا طفل صغير ملفوف و محطوط في مزود للبقر
(تظهر مجموعة من بقع الضوء في الخلفية و صوت "المجد لله في الاعالي و على الارض السلام و بالناس المسرة" على 3 دفعات و يظهر دخان ... يختفي الملاك و بقع الاضاءة )

راعي 1: يلا يا رجالة على بيت لحم
راعي 2 : أيوة أنا نفسي أشوف المسيح ابن داود ... يلا يا رجالة
الرعاة يدخلون يحاولون استكشاف المكان
راعي 1:معقولة ... هو ده المكان...؟؟
راعي 2 : بقر و معيز و خرفان
راعي 1 : و حمار و حصان
راعي 2 : تبن و قش و خيش ... ليه اختار ده المكان
راعي 3 : متهيألي هو زي اللي وصفهولنا الملاك
الرعاة يشاهدون العذراء و الطفل فيشيرون لبعضهم بالسكوت))
راعي 1: السلام ليكي يا سيدتي ... السلام ليك يا سيدي ..
يوسف : انتوا قاصدينا احنا
راعي 2 :أيوة يا سيدي ..
راعي 3 : أحنا جايين نشوف المخلص ... و نسجدله
العذراء : وانتوا عرفتوا مكننا منين يا جماعة
راعي 1: من الملايكة ... الملايكة جت و بشرتنا بميلاد السيد
راعي 3 : أنا مشتاق جدا اني أشوفه يا مولاتي ... هو فين
العذراء : أهو...
راعي 2: هو ده ملك اسرائيل ... هو ده مخلص العالم ... الشكر ليك يا رب ... يالي اديتنا فرصة اننا نشوف الميلاد ... ده
راعي 1 : اسمه ايه ...
العذراء : يسوع زي ماقالي الملاك ...
راعي 3 : يسوع ... يعني مخلص
يوسف : و هو جي علشان كدة ... علشان الخلاص
(يسجد الرعاة للطفل مع ثبات لثواني

الجد : يكلم عبقرينو شوفتوا يا ولادى اد اية المنظر جميل
مارفو : ايوة يا جدو ايوة دة حب مش قليل ولا زية مثيل
جوسيان : ايوة دة شىء كتير
عبقرينو : شوفتو بقى انا خدمت البشرية اد اية
الجد : اعظم خدمة للبشرية يا عبقرينو مش هى الاخترعات ولاهى حب الذات ولا الانشغالات اعظم خدمة هى التضحية موت وبذل وعطاء دى حاجة صعبة مش هباء كل حب العالم فانى الا حبة هو اللى باقى
تعالو كلنا نقولوة
كل سنة وانت طيب ياربى يسوع ونهديك حبنا وتهديلنا حبك

مارفو : يالة بقى يا عم روحنا
عبقرينو : هو انا مقلتلكش
مارفو : اية
عبقرينو : انا اعلرف اجيبكم لاى عصر بس كان لازم حد يبقى جنب المكنة ويضحى علشان يرجعنا

جوسيان : يعنى اية هنخلينا هنا
الجد : واللة كويس اهة نشوف معجزات المسيح ونراقبوا عن قريب
مارفو طب يالة نحتفل بعيد الميلاد مع اهل القرية دى .........انت ياكابتن لو سمحت متعرفش ترجعنى لمما يا كابتن ياكابتن انت ياعم يا ابو بتريكة ..
الرجوع الى أعلى الصفحة اذهب الى الأسفل
https://faith.ahlamontada.net
 
مسرحية عودة الى زمن الحب.
الرجوع الى أعلى الصفحة 
صفحة 1 من اصل 1
 مواضيع مماثلة
-
» مسرحية فلفل
» مسرحية مين هيمثل.
» مسرحية بابا نويل والاولاد
» احتفال راس السنة بالكنيسة2011 (مسرحية الدينونة المشهد السادس 2)
» احتفال راس السنة بالكنيسة2011 (مسرحية الدينونة المشهد الاول )

صلاحيات هذا المنتدى:لاتستطيع الرد على المواضيع في هذا المنتدى
 :: منتدى المنوعات والميديا المسيحية :: مسرحيات مسيحية مكتوبه-
انتقل الى: